Header Ads

Logo_DSI ธรรมกายวันนี้,แฉธรรมกาย Update-แถลงการณ์คดีพิเศษ-ฉบับ-ธรรมกาย-วันนี้

ประสบการณ์ตรงมีคุณค่าเสมอ เมื่อถูกตราหน้าว่า #รวยอย่างเดียวบ่พอต้องโง่ด้วย ข้อยโง่ๆๆ... ยอมรับว่าโง่อีหลี มื้อนี้รู้สึกตาสว่าง จากเพื่อนๆ บ้าง จากสื่อบ้าง ที่ช่วยกันเตือนสติข้อย ให้ได้เหลียวเบิ่งสังคมรอบข้าง ผู้ที่เขาปฏิบัติดีปฏิบัติถูกต้อง ตามแบบฉบับของ #พุทธแท้ ข้อยขออนุญาตแชร์ให้เพื่อนๆ ฟัง ดังต่อไปนี้ (โปรดใช้วิจารณญาณในการอ่าน และโปรดอย่าโง่งมงายคือข้อยเด้อ)



ประสบการณ์ตรงมีคุณค่าเสมอ

เมื่อถูกตราหน้าว่า #รวยอย่างเดียวบ่พอต้องโง่ด้วย
ข้อยโง่ๆๆ... ยอมรับว่าโง่อีหลี มื้อนี้รู้สึกตาสว่าง จากเพื่อนๆ บ้าง จากสื่อบ้าง ที่ช่วยกันเตือนสติข้อย ให้ได้เหลียวเบิ่งสังคมรอบข้าง ผู้ที่เขาปฏิบัติดีปฏิบัติถูกต้อง ตามแบบฉบับของ #พุทธแท้
ข้อยขออนุญาตแชร์ให้เพื่อนๆ ฟัง ดังต่อไปนี้
(โปรดใช้วิจารณญาณในการอ่าน และโปรดอย่าโง่งมงายคือข้อยเด้อ)


ลักษณะของพุทธแท้
- พุทธแท้...ต้องด่าคนอื่นที่ไม่คิดเหมือนตัวเองว่าโง่งมงาย
- พุทธแท้...ต้องสร้างภาพตัดต่อใส่ร้ายป้ายสีคนอื่น
- พุทธแท้...ต้องล้อเลียนคนอื่นที่ทำพิธีกรรมไม่เหมือนตัวเอง
- พุทธแท้...ต้องขอหวย เล่นหวย
- พุทธแท้...ต้องเล่นไพ่ เล่นการพนัน
- พุทธแท้...ต้องสูบยา
- พุทธแท้...เวลามีงานต้องจ้างหมอลำ จ้างมหรสพมาแสดงในวัด
- พุทธแท้...ต้องบูชาจตุคาม
- พุทธแท้...ต้องไหว้เจ้าพ่อเจ้าแม่
- พุทธแท้...ต้องบูชาเทพเจ้า
- พุทธแท้...ต้องไหว้ศาล ไหว้เจ้าที่
- พุทธแท้...ต้องบวงสรวง เซ่นไหว้
- พุทธแท้...ต้องไหว้ผีสางนางไม้
- พุทธแท้...ต้องไหว้เต่า ไหว้คางคก ไหว้จิ้งจก ตุ๊กแก ฯลฯ
- พุทธแท้...ต้องไหว้พญานาค
- พุทธแท้...ต้องฆ่าคน
- พุทธแท้...ต้องลัก, ขโมย, ปล้น, ฉ้อโกง
- พุทธแท้...ต้องเล่นชู้
- พุทธแท้...ต้องนินทาคนอื่น
- พุทธแท้...ต้องกินเหล้า กินเบียร์
- พุทธแท้...ต้องลงนะหน้าทอง
- พุทธแท้...ต้องบูชาสาริกาลิ้นทอง
- พุทธแท้...ต้องไปวัดป่าเท่านั้น
- พุทธแท้...ต้องบูชาพระพิฆเนศ
- พุทธแท้...ต้องเชื่อหมอดู
- พุทธแท้...ต้องถือฤกษ์งามยามดี
- พุทธแท้...ต้องบูชายันต์
- พุทธแท้...ต้องสักลาย
- พุทธแท้...ต้องปิดทำเนียบ บุกสถานที่ราชการ ฯลฯ


3 วิธีง่ายๆ สำหรับสังเกตพุทธแท้
1. พุทธแท้ต้องด่าธรรมกาย
2. พุทธแท้ต้องเกลียดต้องซังธรรมกาย
3. พุทธแท้ต้องช่วยกันกำจัดธรรมกายให้สิ้นซาก จะด้วยวิธีการไหนก็แล้วแต่สะดวก ส่งไลน์กลุ่มก็ดี โพสต์ผ่านเฟซบุ๊คก็ดี ด่าลงยูทูป หรือด่าออกสื่อทีวีได้ยิ่งดี

3 วิธีง่ายๆ สำหรับสังเกตพุทธเทียม
1. ทุกคนที่มาวัดพระธรรมกายหรือที่เห็นด้วยกับธรรมกาย
2. ทุกคนที่ชอบทักษิณ, ยิ่งลักษณ์
3. ทุกคนที่เป็นเสื้อแดง

เห็นบ่ล่ะว่าตอนนี้ข้อยเริ่มฉลาดกับเขาขึ้นมาบ้าง เริ่มรู้แล้วว่าพุทธแท้ๆ เขาเป็นแบบได๋ และข้อยรู้แล้วว่าเป็นหยังพวกเจ้าคืออยากให้ข้อยออกจากวัดพระธรรมกาย เพราะข้อยถูกล้างสมอง ข้อยขอเว้าถึงความโง่งมงายของข้อยสู่พวกเจ้าฟังแน เพื่อบ่ให้ลูกหลานของเฮาเอาเป็นเยี่ยงอย่างเด็ดขาด

- ข้อยโง่...เพราะมีแต่ความอยาก อยากเปิดอีก 10 บริษัท มีแต่คิดจะขยายกิจการ คนอื่นเขาสบายบ่ต้องคิดหยังหลายใช้ชีวิตอย่างพออยู่พอกิน บ่ทะเยอทะยานอยากหลายทุกข์หลาย
- ข้อยโง่...ทั้งๆ ที่คนอื่นมีแต่บ่นว่าเศรษฐกิจบ่ดีๆๆ แต่บริษัทฯ ข้อยก็ยังไปสวนกระแส
- ข้อยโง่...ลูกน้องข้อยออกไปแล้ว 90% มีแต่ขออยากกลับเข้ามาทำงาน
- ข้อยโง่...ครอบครัวข้อยอบอุ่นเกินไป
- ข้อยโง่...ส่งเงินให้พ่อแม่สุขสบายเกินไป
- ข้อยโง่...เป็นหนี้ เป็นสินซื้อบ้านหลายหลังเกินไป
- ข้อยโง่...ซื้อรถหลายคันเกินไป
- ข้อยโง่...เล่นหวย ขอหวย ซื้อเลขนำหมู่บ่เป็น คนขายเลยบ่ได้เงินนำข้อย
- ข้อยโง่กินเหล้า กินเบียร์ กินไวน์บ่เป็น
- ข้อยโง่...มีเงินก่ามีแต่เอาไปบริจาควัด, บริจาคขอทาน, ซื้อของช่วยคนจนหาเช้ากินค่ำฯลฯ
- ข้อยโง่...ไปทำบุญยามได๋ ก่ามีแต่คิดอยากให้คนอื่นมีความสุขคือเจ้าของ เอาแต่บุญไปฝาก แทนที่สิเอาเงินไปฝาก
- ข้อยโง่...ขับรถขึ้นๆ ลงๆ กทม. ยามบุญสำคัญๆ ก่าไปแต่วัดพระธรรมกายเพื่อร่วมพลังชาวพุทธให้ศาสนาอื่นได้เห็นว่าเป็นชาวพุทธมันดีแบบได๋ อยากให้เขามีโอกาสมาเรียนรู้วิถีพุทธ วิธีนั่งสมาธิ เพื่อสร้างสันติสุขภายในใจเจ้าของก่อน สอนเจ้าของเป็น
- ข้อยโง่...ย่านทุกคนมีแต่ท่องปล่อยวางๆ จนศาสนาพุทธบ่มีคนบวชเพื่อสืบทอดคำสอนดีๆ ของพระพุทธเจ้าอีกต่อไป
- ข้อยโง่...ย่านแต่คนในสังคมศีลธรรมตกต่ำลงเรื่อยๆ เพราะบ่มีผู้นำด้านศีลธรรมที่เข้มแข็ง พาจัดกิจกรรม เช่น ชวนบวชพระทีละแสน, ชวนบวชอุบาสิกาทีละล้าน, พาเด็กน้อยปฐมมัธยมเข้าโครงการ เด็กดี V-Star ทีละล้าน, ตักบาตรพระทีละหมื่น-แสน เอาไปช่วยพระภาคใต้ ที่ออกบิณฑบาตรบ่ได้ เพราะความเชื่อที่แตกต่างกัน แล้วก่าฆ่าแกงกัน ระเบิดรายวัน
- ข้อยโง่...ที่เอาเงินไปบริจาคให้วัดพระธรรมกาย แล้วคิดแต่ว่าเพิ่นสิเอาเงินมาแต่ใสจั่งสิพอกับการบริหารโครงการใหญ่ๆ แบบนี้ แค่ค่าใช้จ่ายค่าน้ำค่าไฟ ค่ารถรับส่งพระ-โยม ค่าอาหารเลี้ยงคนเป็นแสนๆ ยามบุญใหญ่ ข้อยลองคูณเล่นๆ เครื่องคิดเลขธรรมดาถึงขั้นแสดงผลบ่ได้
- ข้อยโง่...เห็นนักเรียนตีกัน ครอบครัวแตกแยก ข่าวยิงกันฆ่ากันทุกมื้อ ย่านเกิดขึ้นกับครอบครัวเจ้าของ และบ่อยากให้เกินกับไผ
- ข้อยโง่...มีแต่อยากสนับสนุนให้มีองค์กรที่สามารถช่วยแก้ปัญหาสังคมพวกนี้ได้
- ข้อยโง่...ที่คิดว่าอย่างน้อยถ้าคนได้เข้าวัดนั่งสมาธิ ฟังเทศก์ ฟังธรรม คือข้อย ก่าคงสิช่วยลดปัญหาสังคมลงได้จักหน่อย เพราะแต่ก่อนข้อยเป็นคนบ่ค่อยยอมคน บ่ฟังไผ คิดแต่ว่าเจ้าของดี เก่ง ถูกทุกอย่าง แต่ตอนนี้ก่าลดลงได้หลายเติบ??!!!
- ข้อยโง่...ที่มาเห็นแล้วว่าวัดนี้เขาคิดใหญ่ คิดสิฟื้นฟูศีลธรรมโลกโดยการเผยแผ่คำสอนของพระพุทธเจ้า ย้ำว่าศีลธรรมโลกเด้บ่แม่นประเทศ ก่าเลยสนับสนุนเต็มที่เต็มกำลังศรัทธาของข้อย
- ข้อยโง่...เสาร์อาทิตย์ วันหยุดก่าบ่ได้ตื่นสวยนำบ้านเมืองเขา ย่านแต่พระสงฆ์องค์เจ้าบ่มีอาหารขบฉัน ย่านบ่มีไผสืบทอดพระศาสนา
- ข้อยโง่...เพราะข้อยเห็นว่าพระพุทธศาสนาของเฮาเป็นของดีอีหลี๊ อีหลี เป็นศาสนาของผู้มีปัญญา บ่บังคับไผให้เชื่อ จนกว่าสิได้พิสูจน์ด้วยตัวเอง ก่าเลยอยากให้พระพุทธศาสนาเผยแผ่ไปทั่วโลก อยากให้มีแต่คนดีๆ ที่อยู่นำกันโดยบ่เบียดเบียนกัน ก่าเลยมาแต่วัดนี้เป็นหลัก เพราะเพิ่นเฮ็ดให้ข้อยเห็นว่าเพิ่นเฮ็ดได้อีหลี ข้อยเลย (หลง) เชื่อไปสนิทใจ
- ข้อยโง่...ที่ไปเชื่อฟังหลวงพ่อธัมมชโยบอกว่าให้ไปทุกวัด ขอให้เป็นพุทธนำกัน อย่าไปมองว่าวัดนั้นจนวัดนี้รวย เพราะเพิ่นว่าคำว่าวัดมันเกินคำว่ารวยคำว่าจน ก่าคิดแต่ว่ามีพ่อคนเดียวกันคือพระพุทธเจ้า วัดได๋สิปฏิบัติจั่งได๋ก่าซางเพิ่นเถาะ เพราะคิดว่าเป้าหมายปลายทางไปหม่องเดียวกัน คือ พระนิพพาน
- ข้อยโง่...ที่โดนวัดนี้หลอกขายบุญ โดยการบอกว่าเพิ่นสิเฮ็ดโครงการนั้น โครงการนี้ สร้างอาคารนี่ อาคารนั่น มีแต่สร้างๆๆ เพราะคนมาหลายขึ้นๆ พระก่ามาบวชหลายขึ้นๆ วัดบ่พอรองรับแล้ว ทั้งหม่องอยู่หม่องจอดรถ
- ข้อยโง่...หาทางออกจากวัดนี้บ่พ้อ เพราะเห็นว่าสิ่งที่เพิ่นเฮ็ด ที่เพิ่นสร้าง ข้อยได้เห็น ได้ใช้ประโยชน์นำหมดทุกหม่อง ทุกโครงการของเพิ่น ข้อยตรวจสอบหมดว่าเงินที่ข้อยให้เพิ่นไป เกิดประโยชน์สูงสุดบ่
- ข้อยโง่...ที่เห็นว่าตอนนี้เพิ่นเผยแผ่พระพุทธศาสนา โดยไปสร้างวัดสาขาเกือบทุกประเทศทั่วโลกแล้ว เพื่อไปสอนคนต่างชาติ นั่งสมาธิ รักษาศีล และรู้จักการให้ทาน ฝรั่งหรือคนต่างชาติก่าโง่คือข้อย มานั่งกับเพิ่นแล้วก่าสามารถเปลี่ยนความคิดที่บ่ดี เปลี่ยนพฤติกรรมที่บ่ดีออกไปได้

โอ้ยความโง่ของข้อยคือหลายเป็นตาบ่น่าให้อภัยแท้น้อ... 
คักกว่าไปฆ่าคนตาย คักกว่าไปแย่งผัวชาวบ้าน คักกว่าไปค้าหรือเสพยาเสพติดอีก คักกว่าไปเป็นแม่เล้าและขายบริการทางเพศอีก
เว่ามาสูนให้เจ้าของหลายเด้ มาอยู่วัดนี้ ยากคักยากแน
บ่ได้อยู่บ่ได้เซา เฮ็ดแต่บุญๆๆ เว้าอีหยังก่าสาธุๆๆ
แถมหลวงพ่อห้ามเว้าคำว่า ท้อ เหนื่อย ไม่มี ไม่ได้ ไม่สำเร็จ
ห้ามรู้สึกเซ็ง เครียด เบื่อ กลุ้ม
รู้สึกได้อย่างเดียว คือ ปลื้มมมมม
เฮ็ดได้ 3 อย่าง คือ ทำทาน รักษาศีล นั่งสมาธิ
แถมให้เฮ็ดทุกมื้อห้ามขาดอีก
ก่อนนอนก่าต้องสวดมนต์ นั่งสมาธิ
ตื่นนอนก่าต้องท่องคาถาว่า เราโชคดีที่รอดมาอีกหนึ่งวัน ขอให้สรรพสัตว์ทั้งหลายจงมีความสุข อันตัวเรานั้นตายแน่ๆ
แต่ละมื้อก่ามีการบ้านให้เฮ็ดตั้ง 10 ข้อ

คนอื่นเขาจั่งแม่นพากันฉลาดหลาย สำบายพร้อมมีแต่ทำงานแล้วก่าไปเที่ยวๆ เมืองนอกเมืองนา ช้อปปิ้ง เช็คอินๆ วิ่งๆ เดินๆ นั่งๆ นอนๆ จิบเบียร์ เม้ามอย ร้องเพลง แดนซ์กระจาย เล่นดนตรีม่วนสิตาย
ข้อยล่ะอีหยังลำบากมีแต่หาเงิน บริหารงาน จัดการทรัพยากร ทรัพย์สิน หนี้สิน บ่มีเวลาไปยากนำชีวิตไผ
คาแต่ต้องรับผิดชอบหลายชีวิต ทั้งครอบครัว พ่อแม่ พี่น้อง ลูกน้อง บริษัท บริวาร
แถมต้องหาเงินเสียภาษีให้รัฐบาลไปบริหารงานอีก เดือนหนึ่งก่าเป็นแสน (มันหลายเด้สำหรับคนจนอย่างข้อย)
แฮงได้ยินว่าเงินคลังกำลังสิหมด โอ้ยยยย ชีวิตข้อย ตาหน่ายเกิดมาโง่
เหลือโตนข้อยแน เห็นแต่ว่าข้อยโง่กว่าพวกเจ้ากะดาย ก่าให้โอากาสข้อยได้มีเวลาไปฉลาดๆ คือพวกเจ้าแน

เพื่อนๆ คนเก่งทั้งหลาย อย่างเคียด อย่าซังข้อยเถาะ เห็นว่าข้อยโง่ แต่ครูบาอาจารย์ข้อยก่าบ่เคยสอนให้ข้อยไปเคียดไปซังไปด่าผู้ได๋เด้
เลามีแต่สอนว่าให้ฮักแพงกันไว้เป็นมนุษย์นำกัน ให้คิดดี พูดดี ทำดี ทำแต่บุญเอาแต่บุญ บาปนิดเดียวก่าอย่าเอาไป เลาว่านรกมัน ฮ้อนแถม 1 มื้อของนรกขุมที่ 1 เท่ากับ 9 ล้านปีมนุษย์*** บ่เป็นตาไปดอก ถ้าสิไปก่าไปสวรรค์ซะ แต่ว่าบ่มีขายเด้ อยากได้หยังก่าเฮ็ดเอาตอนเป็นมนุษย์เลยพะนะ
เลาว่าขนาดเรือแล่นไปในทะเลกว้างใหญ่ไพศาลก่ามีโอกาสแล่นมาชนกันได้
เฮาก่ามีโอกาสได้กลับมาพ้อกันอีกอยู่ ทำดีต่อกันไว้ หรืออย่างน้อยก่าอย่าผูกเวรกันเลย
เผื่อมาพ้อกันอีกมันสิบ่ได้ฆ่า ได้ด่ากัน สิได้อยู่นำกันอย่างสงบสุข
เพราะคนเฮาอยู่โลกนี้บ่มีไผเกิน 150 ปีดอก อย่างเก่งเดี๋ยวนี้ 50-60 มะเร็งก่ากินแล้ว

สุดท้ายนี้ข้อยอยากสิบอกหมู่คนเก่งคนดีคนฉลาดทั้งหลายของข้อยว่า
แม่นพวกเจ้าสิซังข้อยปานได๋ แต่ถ้ามีมื้อได๋ชีวิตพวกเจ้ามีปัญหา ข้อยก่าพร้อมสิช่วยเหลือให้คำปรึกษาเด้อ
แต่ว่าเรื่องเงินพวกเจ้าคือสิพากันรวยอยู่แล้ว เพราะมีแต่คนเก่งๆ ฉลาดๆ อย่ามายืมข้อยเถาะ ข้อยขอร้องหลายๆ 5555

#หมายเหตุประเทศไทย: 
มีคนโง่คือข้อยหลายอยู่เด้ พวกเจ้าต้องช่วยกันด่า ช่วยกันประณาม ให้คนที่เข้าวัดพระธรรมกายทั้งหมดหายโง่ให้หมดเลยเด้อ ช่วยกันประโคมข่าวว่าวัดนี้บ่มีหยังดีเลย คือพวกเจ้าพากันเฮ็ดอยู่นี่ล่ะ พวกเจ้าเก่งอยู่แล้ว เอาให้สะใจคักๆ โลด ให้เขาได้หายโง่คือพวกเจ้าเร็วๆ บาดนี้ล่ะบ้านเมืองเฮาสิมีแต่พุทธแท้เต็มบ้านเต็มเมือง บ้านเมืองก่าสิสงบสุข ขอบพระคุณพวกเจ้าหลายๆ เด้อ ที่ช่วยให้ข้อยตาสว่าง สาธุๆๆ

ปล. ภาพนี้ก่าแสดงถึงความโง่คือกัน เพราะบ่รู้จักพอ มีแต่ความทะเยอทะยานอยาก บ่ปล่อยวาง

Cr:Lilla Bussaba


No comments

Powered by Blogger.